Për të plotesuar më mirë nevojat specifike që Bashkitë partnere, kanë në procesin e disiplinimit të mbledhjes së detyrimeve të prapambetura/borxhit tatimor, dhe në vazhdim të asistencës teknike për të zbatuar procedurat ligjore të përmbledhura qartazi në draft-manualin  e përgatitur më herët nga LFP/SECO -project. Javën qe shkoi, në datat 1 dhe 2 Korrik 2021,  ekipi i Projektit të Financave Lokale zhvilloi seanca trajnimi në Bashkitë në Jug të vendit: Gjirokastër e Sarandë.

20 zyrtarë vendorë të Departamenteve të të Ardhurave u asistuan direkt në lidhje me përparësitë në hapat proceduriale  bazuar në analizën e riskut, përgjegjësitë e strukturës së borxhit tatimor, adresimi i problematikave të identifikuara nga strukturat e auditimit, regjistri i debitorëve,  si dhe çështje të tjera lidhur me taksën e ndërtesës, komunikimit ndërinstitucional, bizneset sezonale, agjentin tatimor.

Vëmendje e veçantë iu kushtua identifikimit dhe vlerësimit të risqeve ( për çdo taksë/tarifë) si dhe mekanizmave për zbutjen e tyre për arritjen e objektivave në të ardhurat.

Siç u ra dakord me pjesëmarrësit, një "follow-up asistence" e dedikuar për çështje dhe nevoja specifike të Bashkive partnere, si  edhe për të adresuar problematika  të ndryshme që hasen gjate procesit të administrimit/ mbledhjes së të ardhurave, do të zhvillohet në periudhën në vazhdim.